हिमायतनगर प्रतिनिधी/-शहरातील नालंदा बौद्ध विहारात पंचशिल ध्वजारोहण करून तथागत भगवान गौतम बुद्ध व डॉ बाबासाहेब आंबेडकर यांच्या प्रतिमेचे पूजन करून अभिवादन करण्यात आले.व शहरातून भव्य मिरवणूक काढण्यात आली या मिरवणुकीत शहरातील बौद्ध उपासक उपासिका मोठ्या संख्येने उपस्थित होते.
शहरासह ग्रामीण भागातील कारला येथे तक्षशिला बौद्ध विहारात धम्मचक्र प्रवर्तन दिनानिमित्त पंचशिल ध्वजारोहण करण्यात आले व भारतीय घटनेचे शिल्पकार डॉ बाबासाहेब आंबेडकर यांच्या प्रतिमेचे पूजन करून सामुदायिक पंचशिला ग्रहण करण्यात आली अभिवादन करण्यात आले.या धम्मचक्र प्रवर्तन दिनानिमित्त उपस्थित गावातील सरपंच , पोलिस पाटील, तंटामुक्त अध्यक्ष, ग्रामपंचायत सदस्य पदाधिकारी यांचा तक्षशिला बौद्ध विहार कमिटीच्या वतीने सत्कार करण्यात आला.त्यानंतर दुपारी
दरवर्षी प्रमाणे गावातून मिरवणूक काढण्यात या मिरवणुकीत बौद्ध उपासक ऊपासीका मोठ्या संख्येने सहभागी झाले होते.हिमायतनगर शहरासह ग्रामीण भागात ठिकठिकाणी मोठ्या उत्सहाच्या वातावरणात धम्मचक्र प्रवर्तन दिन साजरा करण्यात आला आहे.
