हिमायतनगर तालुक्यातील मराठा बांधवांनी आरक्षणासाठी एकजूट झाला असून नेत्यांना गाव बंदी चे फलक लावण्यात आले आहेत. तर काही गावच्या मराठा समाजातील ग्रामपंचायत सदस्य, सेवा सहकारी सोसायटीच्या संचालकांनी राजीनामे दिले आहेत. शहरातस सकल मराठा समाजाच्या वतीने साखळी उपोषण सुरु करण्यात आले आहे.
या उपोषणाला दि. 29 आक्टोबर रोजी भेट कारला येथील रहिवासी असलेल्या जांबुवंत मिराशे या मराठा तरुणांने उपोषण ठिकाणी असलेल्या रजिस्टर मध्ये आपला अभिप्राय लिहून मराठा समाजाला आरक्षण देण्यासाठी सरकार लक्ष देत नाही त्यामुळे आत्मदहन करीत असल्याचे नोंद करून उपोषण स्थळावरून पळ काढला सदरील रजिस्टर बघताच उपस्थित मराठा कार्यकर्ते पोलीस त्या तरुणाच्या मागे सुसाट सुटले बसस्थानक परिसरात असलेल्या विहीरीत उडी घेण्याचा प्रयत्न केला असता त्याला पकडले आणि पोलीसांनी समजूत घालून त्या तरुणांला कुटुंबियांच्या स्वाधीन केले. सदरील घटना टळली असल्याने मराठा समाजातील तरुणांनी असे कुठल्याही प्रकारचे टोकाचे पाऊल उचलू नये असे आवाहन प्रशासनाकडून करण्यात आले आहे.
