ते हिमायतनगर येथे दि.१९ फेब्रुवारी रोजी सार्वजनिक छत्रपती शिवाजी राजे जयंती उत्सव समिती हिमायतनगर (वाढोणा) च्या पुढाकारातून श्री परमेश्वर मंदिरासमोरील मैदानात धुमधडाक्यात साजरी करण्यात आली याप्रसंगी बोलत होते. सकाळी ११ वाजता जय भवानी...जय शिवाजी... नामाचा जयघोषात करत अखंड हिंदुस्थानचे आराध्य दैवत, महाराष्ट्राची अस्मिता, रयतेचे राजे, रण धुरंधर, प्रौढ प्रताप पुरंदर, क्षत्रिय कुलावतं, सिंहासनाधीश्वर, महाराजाधिराज योगिराज श्रीमंत श्री श्री श्री छत्रपती शिवाजी महाराज यांचा जन्मोत्सव शासनाने जारी केलेल्या कोरोना महामारीच्या सर्व नियमांचे पालन करून जिजाऊ वंदना घेतल्यानंतर पार पडला.
यावेळी माजी जी.प.सदस्य लक्ष्मण शक्करगे, पोलीस निरीक्षक भगवान कांबळे, डॉ गणेश कदम, हभप. मस्के महाराज यांच्या हस्ते छत्रपती शिवाजी राजेंच्या प्रतिमेचे पूजन पुष्पहाराने करण्यात आले. तर कृउबाचे माजी सभापती गजानन तुप्तेवार यांच्या हस्ते नारळ फोडून शिवजन्मोत्सव साजरा करण्यात आला. याप्रसंगी डॉ.शेषेराव चव्हाण, डॉ.दिलीप माने, डॉ.दिगंबर वानखेडे, डॉ.प्रसन्न रावते, डॉ आनंद माने, पांडुरंग तुप्तेवार, शंकर पाटील यांची प्रमुख पाहुणे म्हणून उपस्थिती होती. यावेळी जयंतीस्थळी अनेक मान्यवरांनी भेटी देऊन उपस्थित नागरिक व शिवभक्तांना छत्रपती शिवाजी महाराजांच्या जयंतीनिमित्त प्रतिमेस अभिवादन करून शुभेच्छा दिल्या.
यावेळी शहरासह ग्रामीण भागातील युवकांनी डोक्यावर फेटे, वाहनाला छत्रपतींची प्रतिमा असलेले भगवे ध्वज बांधून सहभागी झाले होते. शहरात लावण्यात आलेले भगवे झंडे, पताका छत्रपती शिवाजी महाराजांची प्रतिमेचे पूजन करून अभिवादन करण्यात आल्याने आजच्या शिवजयंती सोहळ्यामुळे शहरात सर्वत्र भगवेमय वातावरण निर्माण झाले होते. यावेळी नायब तहसीलदार अनिल तामस्कर, संजय माने, रामभाऊ ठाकरे, फुलके महाराज, गोविंद शिंदे, रामभाऊ सूर्यवंशी, प्रशांत देवकते, मुन्ना शिंदे, गजानन हरडपकर आदींसह सार्वजनिक शिवजयंती मंडळाच्या सदस्यांनी परिश्रम घेतले. जयंती दरम्यान कोणताही अनुचित प्रकार घडू नये म्हणून पोलीस निरीक्षक भगवान कांबळे यांनी कर्मचाऱ्यांचा बंदोबस्त लावला होता.
