हिमायतनगर प्रतिनिधी/- वडगाव तांडा येथील तरूण शेतकऱी शनिवारी सकाळी आपल्या शिवारात जनावरे घेऊन चारण्यासाठी गेला असताना याच शिवारात दडी धरून बसलेल्या बिबट्याने अचानक अंगावर झेप घेतली शेतकऱ्यांने आरडाओरडा केल्यानंतर जनावर धाऊन आले असता शेतकऱ्यांना बिबट्याने सोडले या घटनेत अंगावरील कपडे फाटून दुखापत झाली जनावरांसह शेतकऱ्यांनी धावाधाव केली असल्यामुळे शेतकरी तावडीतून निसटून बालंबाल बचावला आहे.
हिमायतनगर तालुक्यातील वडगाव तांडा गावातील तरुण शेतकरी उल्हास अनिल राठोड यांने शनिवारी जनावरे घेऊन चारण्यासाठी गेला होता.सकाळी 11 वाजेच्या दरम्यान शिवारात दडी धरून बसलेल्या एका बिबट्याने अचानक अंगावर झेप घेतली शेतकरी बिबट्या मध्य झटापट झाली शेतकऱ्यांनी आरडाओरडा केला असता जवळच असलेल्या जनावरें धावली काही शेतकरी आल्यानंतर बिबट्याने शेतकऱ्यांना सोडले या घटनेत सदरील शेतकरी बालंबाल बचावला असुन अंगावरील कपडे फाटून दुखापत झाली आहे. इस्लापूर हिमायतनगर हद्दीच्या मध्ये भागी असलेल्या शिवारात घटना घडली असल्याने घटनेची माहिती वनविभागाला कळविली असता इस्लापूर वनपरिक्षेत्र अधिकारी सचिन धनगे, हिमायतनगर वनपरिक्षेत्र अधिकारी मंगेश पाटील,वनपाल अमोल कदम ,वनरक्षक यमजलवाड,वानोळे , पोलीस पाटील अंकुश राठोड
यांनी भेट देऊन पाहणी केली. हिमायतनगर तालुक्यातील वारंगटाकळी, वडगाव तांडा,सवना शिवारात बिबट्याचा वावर वाढला असुन अनेक शेतकऱ्यांना बिबट्या आढळला असल्याने या भागात भितीचे वातावरण निर्माण झाले आहे.
