सुगम गायन या कला प्रकारामध्ये निवेदिता घोडेकर, लावणी या कलाप्रकारांमध्ये श्रद्धा कांबळे, शास्त्रीय तालवाद्य या कलाप्रकारांमध्ये मुंजाजी शिंदे, लोकसंगीत या कलाप्रकारांमध्ये समाधान राऊत, अंकुश डाखोरे, ओंकार गायकवाड, मुंजाजी शिंदे, गजानन गोंधळी, गणेश महाजन, आशुतोष पाटील, प्रशांत चित्ते, लक्ष्मण सेनेवाड व शास्त्रीय सुरवाद्यया कला प्रकारांमध्ये कृष्णा शिनगारे या विद्यार्थ्यांनी प्राविण्य मिळविले.
संगीत विभागाच्या या सर्व विद्यार्थ्यांनी अतिशय उत्तम रित्या सादरीकरण करून उपस्थित रसिकांची मने जिंकली व विशेष म्हणजे कव्वाली या प्रकारासाठी परीक्षकांकडून विशेष दाद व अभिनंदन करण्यात आले.
या सर्व कलाप्रकारांची विशेष तयारी करून घेण्यासाठी संगीत विभागाचे प्रा. डॉ. शिवराज शिंदे, प्रा. किरण सावंत प्रा. प्रशांत बोंपीलवार प्रा. नामदेव बोंपीलवार यांनी विशेष परिश्रम घेऊन या सर्व कलाप्रकारांची तयारी करून घेतली.
स्वामी रामानंद तीर्थ मराठवाडा विद्यापीठाच्या संघाचे संघप्रमुख प्रा. डॉ. शिवराज शिंदे व प्रा. वैशाली शेळके तसेच परिसराच्या संघाचे प्रभारी डॉ. वैजनाथ अनमुलवाड यांच्या मार्गदर्शनाखाली या सर्व कला प्रकारांचे सादरीकरण झाले.
या यशाबद्दल विद्यापीठाचे कुलगुरू डॉ. उद्धव भोसले, प्र- कुलगुरू डॉ. जोगेंद्रसिंह बीसेन, कुलसचिव सर्जेराव शिंदे, ललित व प्रयोगजीवी कला संकुलाचे संचालक प्रा. डॉ. पृथ्वीराज तौर यांनी सर्व विद्यार्थ्यांचे अभिनंदन केले आहे.
