हिमायतनगर तालुक्यातील पंचक्रोशीत प्रसिद्ध असलेल्या श्री पार्श्वनाथ महादेव फाट्यावर ज्ञानेश्वर गंगाराम राऊत यांचं हॉटेल आहे. ते मूळचे सवना येथील रहिवाशी असून हॉटेलचा व्यवसाय चालू केल्यापासन ते कुटुंब महादेव फाटावर राहून उदर निर्वाह करत आहे.त नित्याप्रमाणे आज सकाळी हॉटेल चालू करून ग्राहक येतील यासाठी कढईमध्ये तेल टाकून भजे काढण्याच्या तयारीत होता. दरम्यान तेल गरम झाले कि नाही हे पाहण्यासाठी त्याने तेलामध्ये पाण्याचे शिंतोडे शिंपले. यामुळे आगीचा एकदम भडका उडाला अचानक भडका उडाल्याने आगीने पेट घेतल्याने हॉटेलला आग लागली. या आगीत तीन तेलाचे पिपे, खुर्च्या, टेबल, नगदि रक्कम असे मिळून २० ते २५ हजारच नुकसान झाला आहे.
तसेच हॉटेल चालक ज्ञानेश्वर गंगाराम राऊत यांच्या डाव्या हाताला शेक लागल्याने तातडीने येथील चिंचोरडीच्या प्रथम आरोग्य केंद्रात उपचार करून घरी परत आणले आहे. एकूणच दैव बलवत्तर म्हणून सकाळीच त्यांची पत्नी सवना गावाकडे गेली होती. आगीचा भडका उडाल्याने चालकाने देखील प्रसांगावधान राखून बहर पडल्याने मोठा अनर्थ टळला आहे. आग लागल्याचे समाजातच हिमायतनगर येथील अग्नीशमन दलास पाचारण करण्यात आले होते. तातडीने अग्निशमन बंब आल्यामुळे आग विझविण्यात आली असली तरी या आगीत हॉटेल पूर्णतः जाळून खाक झाल्याने हॉटेल चालकाचे कुटूंब उघड्यावर आले आहे. या घटनेची माहिती मिळताच पोलीस निरीक्षक बी डी भुसनर यांच्या मार्गदर्शनाखाली पोहेकॉ कोमल कागणे, नागरगोजे, राचेलवाड आणि चालक कात्रे यांनी घटनास्थळी भेट देऊन पंचनामा केला आहे.
