नांदेड (जिमाका) दि. 26 :- मा. राज्य निवडणूक आयोगाच्या आदेशान्वये नांदेड जिल्ह्यातील हिमायतनगर नगरपंचायतीच्या सदस्य पदांच्या सार्वत्रिक निवडणुकांसाठी नागरिकांचा मागासवर्ग प्रवर्ग, नागरिकांचा मागासवर्ग प्रवर्ग (महिला) व सर्वसाधारण (महिला) आरक्षण सोडतीचा सुधारित कार्यक्रम-2022 जाहीर केलेला आहे.
त्यानुसार हिमायतनगर नगरपंचायत सदस्य पदाच्या आरक्षण सोडतीचा कार्यक्रम गुरुवार 28 जुलै 2022 सकाळी 11 वा. तहसिल कार्यालय हिमायतनगर येथे नियंत्रण अधिकारी जिल्हा पुरवठा अधिकारी यांच्या अध्यक्षतेखाली होणार आहे. नगरपंचायत क्षेत्रातील नागरिकांनी या आरक्षण सोडतीच्या सुधारित कार्यक्रमास सोडतीच्या ठिकाणी उपस्थित राहावे, असे आवाहन जिल्हाधिकारी डॉ. विपीन इटनकर यांनी केले आहे.
0000
