हिमायतनगर प्रतिनिधी/ महिलांची आर्थिक स्वातंत्र्यता , आरोग्य व पोषणात सुधारणा व त्यांची कुटुंबात निर्णायक भूमिका मजबूत करण्यासाठी मुख्यमंत्री माझी लाडकी बहिण योजना सुरू करण्यात आली आहे.पात्र महिलेला तिच्या स्वतःच्या आधार लिंक थेट लाभ बॅंक खात्यात हस्तांतरण दरमहा पंधराशे रुपये रक्कम दिली जाणार आहे.पाच एकर शेतीची अट रद्द करून वयाची अट देखील 65 वर्षे केली आहे.या योजनेसाठी गावपातळीवर ग्रामपंचायत ने पुढाकार घेऊन जास्तीत जास्त महिलांची नोंदणी करून घ्यावी आणि त्यांना लाभ देण्यासाठी प्रयत्न करावे असे आवाहन मुख कार्यकारी अधिकारी मिनल करणवाल यांनी केले आहे.
हिमायतनगर येथील पंचायत समिती कार्यालयात नांदेड जिल्हा परिषदेच्या वतीने आयोजित दि.4 जुलै रोजी तक्रार दिनाचे आयोजन करण्यात आले होते.प्रमुख उपस्थिती मुख्य कार्यकारी अधिकारी मिनल करणवाल होत्या.या निमित्त शहरातील उर्दू शाळेसह , ग्रामीण भागातील जिल्हा परिषद शाळेला शिक्षक नसल्यामुळे विद्यार्थ्यांची हेळसांड होत असल्याच्या तक्रारी उपस्थित केल्या होत्या.वडगाव ज.येथील जिल्हा परिषद शाळेला वर्ग आठ शिक्षक एक अशी परिस्थिती आहे.यावरून शिक्षणाधिकारी यांना धारेवर धरले होते.वडगाव ,कारला,वारंगटाकळी ,आंदेगाव, घारापुर,यासह अनेक गावच्या शाळेला शिक्षक नसल्यामुळे शिक्षणाधिकारी यांना तातडीने शिक्षण देण्याच्या सुचना मुख्य कार्यकारी अधिकारी यांनी केल्या आहेत.
याबरोबरच मुख्य कार्यकारी अधिकारी मिनल करणवाल यांनी मुख्यमंत्री माझी लाडकी बहिण योजनेसाठी
ग्रामपंचायत स्तरावर सरपंच, ग्रामसेवक,आगंणवाडी ताई,अशा वर्कर यांनी पुढाकार घेऊन योजने बाबतीत लोकांपर्यंत माहिती पोहचवावी आणि हिमायतनगर तालुका जिल्हात सर्वाधिक फार्म नोंदणी करून घ्यावी असे आवाहन केले आहे.
तसेच पंधरा वित्त आयोग निधी खर्च करून गावातील महत्वाचे कामं करण्यासाठी पुढाकार घ्यावा असे आवाहन त्यांनी केले आहे.यावेळी अतिरिक्त मु. का. अ. संदीप माळोदे, प्रकल्प संचालक डॉ संजय तुबाकले, उपमुख्य कार्यकारी अधिकारी नरेगा अमित राठोड, शिक्षणाधिकारी सविता बिरगे,
मु.ले.व वित्त अधिकारी शिवप्रसाद चन्ना,उ.प.मु.अ.राजकुमावार,मुक्कावार,उ.प.मु.का.अ.मंजुषा कापसे,रेखा काळप, गटविकास अधिकारी सुधीर मांजरमकर, सहायक गटविकास अधिकारी पि.एम.जाधव,
विस्तार अधिकारी टारपे,उप अभियंता हिरप, डॉ.पोहरे,नालंदे,
सुशील शिंदे, विशाल पवार,सरपंच संघटनेचे अध्यक्ष परमेश्वर गोपतवाड, प्रल्हाद पाटील, मारोती वाडेकर, सोपान बोंपीलवार,दयाळगिर गिरी,बाळू शिंदे, दत्ता पुपलवाड, यांच्यासह पंचायत समितीचे कर्मचारी अधिकाऱी , सरपंच उपस्थित होते.
