हिमायतनगर तालुका हा आदिवासी बहुल भाग असून या भागातील गोरगरीब आदिवासी समाजातील विद्यार्थी विद्यार्थ्यीनी आपल्या शिक्षणासाठी शहरात राहायचे परंतु वस्तीगृह स्वतच्या इमारतीत नसल्यामुळे विद्यार्थ्यांना कमी जागेत राहून दिवस काढावे लागत होते. आदिवासी वस्तीगृह ईमारत मागणी आदिवासी समाजानी आ. जवळगावकर यांच्या कडे केली होती. सदरील विद्यार्थ्यांच्या शिक्षणासाठी चा प्रश्न आ. माधवराव पाटील जवळगावकर यांनी लक्षात घेऊन ईमारतीचा प्रश्न मार्गी लावला आहे. ईमारत बांधकामासाठी
शहरात जागा उपलब्ध नसल्याने काही काळ प्रश्न रेंगाळला होता परंतु आ. माधवराव पाटील जवळगावकर यांनी जिल्हाधिकारी, उपविभागीय अधिकारी, तहसीलदार यांच्याकडे पाठपुरावा करून घारापुर रस्त्यावरील गायरान जमीन वस्तीगृहासह क्रीडा संकुल साठी शासनाकडून ताब्यात घेतली त्यानंतर सदरील वस्तीगृहाच्या बांधकामांसाठी मुलांचे वसतिगृह १२ कोटी आणि मुलीच्या वस्तीगृहासाठी १२ कोटी असे २४ कोटी रुपये निधी मंजूर झाला आहे.आ.माधवराव पाटील जवळगावकर यांच्या पाठपुराव्याला यश आले असून आगामी वर्षात शासकीय हक्काचे वसतिगृहात विद्यार्थी विद्यार्थ्यीनीना ऊपलब्ध होणार असल्याने आदिवासी वस्तीगृहाच्या विद्यार्थ्यांनी आ. जवळगावकर यांची रविवारी भेट घेऊन सत्कार केला आहे. यावेळी रोशन धनवे, सुरेश धुमाळे, अंकुश धनवे, श्रीराम खोकले, किशन काळे, रुपेश भिसे, शिवाजी वाकोडे, जगदीश डवरे, सुदाम डुकरे, बाळू डवरे, माधव ढोणे, किरण मेंढे, बालाजी खरोडे, नामदेव हूरदुके, यांच्यासह आदिवासी वस्तीगृहातील विद्यार्थी समाजातील तरूण उपस्थित होते.
