हिमायतनगर शहरातील नगरपंचायत वार्ड क्रमांक 01 ते 02 मध्ये पद्मशाली समाज स्मशानभूमी ते नडवा पुलापर्यंत नाली बांधकाम , वार्ड क्रमांक 10 मध्ये रामदास रामदिनवार यांच्या घरापासून नडवा पुलापर्यंत रस्ता व नाली,तसेच तालुक्यातील एकंबा,सिरपली, पळसपूर, हिमायतनगर ते पार्डी, रस्त्याची पुलमोऱ्यासह सुधारणा करणे यासह अन्य कामाचे भूमिपूजन सोमवारी आ. माधवराव पाटील जवळगावकर यांच्या हस्ते करण्यात आले.
या उदघाटन सोहळ्यात प्रथम शासकीय गुत्तेदार सुरेश पळशीकर, बांधकाम विभागाचे अभियंता डांगे यांनी आ. जवळगावकर यांचा सत्कार केला. या कार्यक्रमात जवळगावकर बोलताना म्हणाले की शहरातील जनतेला विकास कामाचे दिलेल्या आश्वासन या कामाच्या माध्यमातून पुर्ण होत आहेत.
या बरोबरच एकघरी ते हिमायतनगर पळसपूर, एकंबा या रस्त्याच्या कामाची दुरूस्ती करण्यात येणार आहे त्यामुळे या कामामुळे ग्रामीण भागातील जनतेला रस्त्यामुळे होणारी दुरावस्था आता दुर होणार आहे.बांधकाम विभागाने सदरील कामे दर्जेदार कसे होतील याकडे लक्ष देऊन तेलंगणा भागातून येणाऱ्यांचे लक्ष वेधून घेतले पाहिजे असे कामे व्हावेत आणि भविष्यात शहरासह ग्रामीण भागातील राहिलेली विकास कामे मार्गी लागणार असल्याचे आ. जवळगावकर म्हणाले यावेळी मुख्याधिकारी ताडेवाड,सुभाष राठोड, अ. आखील अ. हमीद, गजानन सुर्यवंशी, जनार्दन ताडेवाड,कांग्रेस अल्पसंख्याक जिल्हा उपाध्यक्ष फेरोज खान, सुभाष शिंदे,ज्ञानेश्वर शिंदे, संजय माने,प्रकाश वानखेडे, फेरोज खान,समद खान, नितेश जैस्वाल,योगेश चिलकावार, अ. बाकी, यांच्यासह शहरातील कांग्रेस कार्यकर्ते पदाधिकारी उपस्थित होते.
( सोपान बोंपीलवार हिमायतनगर)
