हिमायतनगर सिरपली-सिलोडा येथे दि. 11 सप्टेंबर रोजी ग्रामसभा घेऊन मराठा समाजाला आरक्षण मिळावे यासाठी गेल्या पंधरा दिवसापासून मनोज जरांगे आणि हदगाव येथील दत्ता पाटील हाडसणीकर यांना पाठिंबा दर्शवला आहे. आणि मराठा समाजाला आरक्षण मिळाले नाही तर येणाऱ्या निवडणुकांमध्ये राजकीय पुढाऱ्यांना गावबंदी आणि मतदानावर बहिष्कार टाकण्याचा ठराव ग्रामसभेत घेण्यात आला असुन या ठरावाला ग्रामपंचायत सरपंच, ग्रामसेवक,सदस्यांनी मान्यता दिली आहे.सदरील ठरावाची प्रत जोडून तहसीलदार यांना मराठा आरक्षणाच्या मागण्याचे निवेदन मंगळवारी देण्यात आले आहे.
