या कार्यक्रमाच्या अध्यक्षस्थानी तहसीलदार आदित्य शेंडे, प्रमुख पाहुणे गटविकास अधिकारी कैलास बळवंत, विस्तार अधिकारी प्रमोद टारपे होते.याप्रसंगी बोलताना तहसीलदार शेंडे म्हणाले की वृक्षतोडीमुळे पर्यावरणाचा समतोल बिघडत असुन अधिकच्या वृक्ष तोडीमुळे नुकतेच कोरोना काळात ऑक्सीजनचा तुटवडा जाणवला.झाडे कमी होत असल्यामुळे निसर्गाची अवकृपा होते त्यामुळे शेतीकरिता पुरेसा पाऊस पडत नाही, नापिकी होते त्यामुळे प्रत्येक नागरीकांनी एक झाड लावले तर भविष्यात पाणी कमी पडणार नाही वृक्षतोडीमुळे झाडे नाहिसे होत असल्याची बाब भविष्याकरीता चिंताजनक आहे .त्यामुळे प्रत्येक नागरीकांना वृक्षारोपण करणे आवश्यक असल्याचे सांगितले.यावेळी ग्रामविकास अधिकारी सैलेश वडजकर,भोगे,कासटवार,नारायण काळे, शिरारपलू, संघटना सचिव आनंद कदम,सटलावार,पुपलवाड,अभियंता नालंदे, विशाल पवार, कोमलवार ,वाघमारे,सुर्यवंशी,स्वप्नील भद्रे, सोनटक्के, सरपंच मारोती वाडेकर, गौतम दवणे, सोपान बोंपीलवार यांच्यासह ग्रामसेविका, सरपंच, पंचायत समिती चे कर्मचारी उपस्थित होते. या कार्यक्रमाचे सूत्रसंचालन ग्रामविकास अधिकारी नारायण काळे यांनी केले.
